منوعات دردشات تحميل كلبيات وافلام متنوعه رياضه عربيه عالميه و سيارات
 
الرئيسيةمكتبة الصورالتسجيلدخول

شاطر | 
 

 حمله هاتنغير بجد

اذهب الى الأسفل 
كاتب الموضوعرسالة
ريحانه الرياض
عضو جديد
avatar

انثى
عدد الرسائل : 16
العمر : 28
العمل/الترفيه : ***
المزاج : ؟؟؟
الوســــام :
السٌّمعَة : 0
تاريخ التسجيل : 30/10/2009

مُساهمةموضوع: حمله هاتنغير بجد   الأربعاء 2 يونيو - 8:24:09

l Black]7
7
7

السلام عليكم ورحمة الله وبركاته
[/size]
بعد الحمد لله والصلاة على الحبيب المجتبى

ثم اما بعد؛

حملة

(هنتغير بجد)

للشباب

&

الفتايات

[ندعوك للتسجيل في المنتدى أو التعريف بنفسك لمعاينة هذه الصورة]

هدفها من اسمها هنتغير بجد

سياستها تحبيب الشباب فى الاسلام

شعارها هندخل الجنة سوا

ستتكون الحملة من حلقات كتير

وكل حلقة لها اسم

وكل اسم بتدور حوله الحلقه

وكل حلقة عباره عن حوار بين اتنين

+الاول وهو اللى هيغيرنا بجد

=والتانى وهو الشاب او الفتاه

يعنى انا وانت

ورجاء من كل قارئ

يقول رأيه بصراحة

وانا مش هزعل

وياريت نطبق الكلام ده بجد

علشان نتغير بجد

ونفرح نبينا

وندخل الجنة سوا

ومهما تكون ذنوبك

ومعاصيك

و بعدك عن ربك

معانا

كلنا هنقرب اوى من ربنا

بس

خليك معانا

يلا بينا ...

الحلقة الاولى

(المقدمة)

+السلام عليكم

=وعليكم السلام

+عامل ايه ؟

=تمام

+ومع ربك عامل ايه؟

=زى اى شاب بعيد عن ربه

وكل فين وفين لما يركع ركعة

و باستخدم بصرى فى الحرام

وبعق ابوى وامى

و..و..و..

+طب وانت ايه اللى بعدك عن ربنا؟

=ان اى واحد يقولى لازم علاقتك

مع ربنا تكون 10من10

او0من10

+يعنى ايه؟

=يعنى معظم الناس متبعه قاعدة

(الحلال الخنيق والحرام الفاجر)

يعنى يأما يمين خالص

يأما شمال خالص

مفيش حد ماشى فى النص

بس منحاز لليمين شويه

+وانت عجبك حالك مع ربنا ؟

=طبعا لا بس

اعمل ايه؟

=وبعدين استحاله ربنا يغفرلى

ذنوبى ده انا عملت ذنوب

ماحدش عملها فى العالم

وعملت كبائر كتييير و..و..

+تعرف انك كده قانط من رحمة الله

القنوط من رحمة الله اصلا من الكبائر

=طب اعمل ايه؟؟!

+ان مصدق ربنا فى كل كلامه ..

=طبعا من غير تفكير

+ممكن تسمع الايه دى

=اتفضل ..

+قال الله عز وجل

(قل يا عبادى الذين اسرفوا على انفسهم

لا تقنطوا من رحمة الله

ان الله يغفر الذنوب

جميعا انه هو الغفور الرحيم)

=صدق الله العظيم

+انت مش حاسس ان الايه دى

بتكلمك انت

=حاسس

+خلاص انت لسه مش متأكد

ان ربنا هيغفرلك

ويمسحلك ذنوبك

ويعتقك من النار

=انا ما قلتش كده

+امال ايه؟

=انا قصدى من السهل ان اعمل اى عمل وربنا يمسح كل ذنوبى

+انت ماتعرفش مين هو الله

=انا عارف

+ماتعرفش ان ربنا

كريم

ورحيم

وعظيم

ولما يغفركل ذنوب العالم

مش هينقص من ملكه شئ

=عارف والله

+امال مستنى ايه

طب تخيل معايا المشهد ده

لو قلت

اللى عاوزربنا يغفرله

يرفع ايده

الناس هتنقسم ل3 انواع

النوع الاول

هيرفع ايده من غير ما يفكر

النوع التانى

هيرفع ايده وهو بيقول

انا هعصى ربنا تانى بس

اهو تقل ذنوبى

والنوع التالت

بيقول حتى لو ربنا مسح ذنوبى

هعصى ربنا تانى

انا كده كسبت ايه


=قصدك ايه من المثال ده

+قصدى خليك ذكى و ثق فى الله

وتأكد انه مش هيرفضك

بس ارفع ايدك بجد

سيب الباقى على ربنا

=والله انت غيرت تفكيرى

خالص

=قولى بقى ازاى ربنا يغفر لى كل

ذنوبى

+ده اللى هتعرفه فى الحلقه التانية بأذن الله

اهم حاجه

تيقن نفسيا ان ربنا هيغفرلك

ولا يبالى

+يلا سلام

=قول السلام عليكم احسن

+انت صح

+السلام عليكم

=وعليكم السلام ورحمة الله وبركاته


الى اللقاء

مع
اديب الظــــل
و

حملة

(هنتغير بجد)


مع منتديات اديب الظل
[ندعوك للتسجيل في المنتدى أو التعريف بنفسك لمعاينة هذا الرابط]


عدل سابقا من قبل ريحانه الرياض في الأربعاء 2 يونيو - 8:28:55 عدل 1 مرات
الرجوع الى أعلى الصفحة اذهب الى الأسفل
ريحانه الرياض
عضو جديد
avatar

انثى
عدد الرسائل : 16
العمر : 28
العمل/الترفيه : ***
المزاج : ؟؟؟
الوســــام :
السٌّمعَة : 0
تاريخ التسجيل : 30/10/2009

مُساهمةموضوع: رد: حمله هاتنغير بجد   الأربعاء 2 يونيو - 8:25:06

الحلقة الثانية
(امسح كل ذنوبك)
+ايه الاخبار
=ده انت عملت امبارح فيا
حتة مقلب قعدت تحمسنى
وفى الاخر علقتنى ومشيت
+عارف وكان قصدى
=ايه!!
=طيب ليه كده؟
+لان لو اخدت كل حاجة مرة واحدة
هتتحمس شويه وبعديها بساعة
ولا كأن فى اى حاجه
=كلامك مظبوط
+وخلى بالك كل حلقة هيكون
نفس النظام
=بس على الله يجى بفايده
+قلتلك امبارح ثق فى الله
وما تحملش هم
=ماشى..مش ندخل فى الموضوع بقى
+ماشى..يلا
.3.
.2.
.1.

+السلام عليكم ورحمة الله
=وعليكم السلام ورحمة الله
+ايه الاخبار
=تمام..الحمد لله
+طبعا زى ماانت عارف ان حلقتنا
النهاردة عن ازاى نمسح كل ذنوبنا
+فى البدايه لو قلتلك
ممكن تعد ذنوبك اللى عملتها
من يوم ما اتولدت
=ايه ..[ندعوك للتسجيل في المنتدى أو التعريف بنفسك لمعاينة هذه الصورة]
=انت بتكلمنى انا..
+طب بلاش ..
ممكن تعد ذنوبك اللى عملتها
طول الاسبوع ده
=يا عم انا ماشى ...
انت جاى تفكرنى باللى فات
+استنى انا قصدى ان انت
ماتعرفش تعد الذنوب اللى
عملتها النهاردة اساسا
+ومحدش يقدر يعدها الا
الله
=صح
+اذن ماحدش يقدر يمسحها
الا الله
=ونعم بالله
+ولكن ازاى نخلى ربنا يغفر (يمسح)
لنا كل ذنوبنا
=ازاى ..قول انت؟؟
+بصراحة مش انا اللى هقولك
=امال مين ..؟
+اللى هيقولك هو اللى هيغفرلك
كل ذنوبك..حيث قال
عز وجل
(فقلت استغفرو ربكم انه كان غفارا)
=صدق الله العظيم
=يعنى ربنا ممكن يغفر لى
ذنوبى كلها
+انت مش مصدق ربك ولا ايه ؟؟!!
=انا مصدق والله
ده حتى كلام ربنا
بس انا مش متخيل
يعنى ربنا هيسامحنى فى
كل اللى عملته؟
+انا عارف انك فرحان اوى
علشان كده اسمع الحديث القدسى
الجميل ده
(يابن ادم لواتيتنى بقراب الارض
خطايا ثم لقيتنى لا تشرك بى شيئا
اتيتك بقرابها مغفرة)...

=طب ولو ذنوبى اكتر
+ممكن ما تقاطعنيش تانى
=انا اسف بس انا فرحان اوى [ندعوك للتسجيل في المنتدى أو التعريف بنفسك لمعاينة هذه الصورة]
+عارف بس اسمع للاخر
=ماشى انا اسف
+(يابن ادم لو بلغت ذنوبك
عنان السماء ثم استغفرتنى
غفرت لك ولا ابالى)
+انت واخد بالك من حاجه
=ايه ؟؟
+ان ربنا بيقول غفرت على طول
يعنى ما فيش قبلها ثم ولا حتى
فاغفر
=طب ودى فيها ايه
+فيها كتير
+ان الله لو قال ثم قبل غفرت
معنى كده ان فى فترة ما
ما بين استغفارك لربنا و
ان ربنا يغفرها لك
ونفس الكلام فى لو كانت فاغفر
مع ان اللغه بتقول ان الفاء
تدل على سرعة التنفيذ
ولكن خلى بالك ان حتى لو فى
سرعة فى عمل شئ
برضه هتاخد وقت حتى
لو ثانية واحدة
بس اخدت وقت
ولكن ربك عظيم
اووووووووى
ان معنى ان ربك ما يقولش
ولا (ثم )ولا(ف)
معنى كده ان مفيش اى وقت
ما بين نطقك للاستغفار
وان ربنا يغفرها لك
=ياه ..اد ايه رينا كريييم اوى
+والله ربك عظيم جدا ولكن احنا
اللى مش واخدين بالنا
+ولو تاخد بالك ان
فى جميع ايات القران
ربك بيقدم صفة الغفران عن اى شئ
يعنى مثلا
(ان الله غفورا رحيما)
ربنا قدم صفة الغفران عن الرحمة
لان استحاله ربنا يرحم شخص
كثيرالذنوب وبالتالى ربنا
هيغفرله ذنوبه وبعده ربنا يرحمه
ولو افترضنا ان قلبك حتة قماشة
بيضة وكل لما تعمل ذنب الذنب ده
يعمل نقطة سوداء على القماشة
اظن كده حتة القماشة بتاعة كل واحد
اتحرقت مش اسودت
=صح
+وخلى بالك ان حبيبك النبى
شبه القلب كأنه حتة حديده
والذنوب كأنه الصدأ اللى على الحديده
والاستغفار هو المنظف لهذا الصدأ
طب ما تجى نلمع قلوبنا بقى
= والله انا نفسى بس التلميع
هيجهدنى اوى وهيتعبنى
+اهم حاجه انت ازاى بتستغفر ربنا
هل بتستغفر من فمك ولا من قلبك
=طب ازاى استغفر من قلبى
+بأنك وانت بتستغفر تكون واثق من ان ربنا هيغفرلك
=ونعم بالله
=طب ازاى استغفر ربنا ؟؟
+فى اذكار كتييير جدا
يعنى مثلا
(استغفر الله )
(استغفر الله العظيم واتوب اليه)
(استغفرك اللهم واتوب اليك )
وفى اذكار كتييير
ولكن لو تلاحظ ان النصف الاول
لو مشيت على حلقة النهارده
اتحقق وهو ان ربنا يغفرلك
ولكن ازاى تتوب لربنا بجد وازاى
تعرف ان ربنا تاب عليك
=اه ..ازاى ؟؟
+ده للى هتعرفو فى الحلقة الجاية
ولكن واجبك من النهاردة تكثر من الاستغفار
علشان نتظف قلبك من اى قذارة
واكيد القذارة على قلوبنا كتيير
+وفى الحلقة التالتة هنتوب بجد لربنا
=طب ما تقول اى حاجه
+انا قلت بكرة ان شاء الرحمن
+يلا..السلام عليكم
=برده بتعلقنى..
=وعليكم السلام
الرجوع الى أعلى الصفحة اذهب الى الأسفل
sayedmadkoor
مالك ومؤسس منتديات اديب الظل
مالك ومؤسس منتديات  اديب الظل
avatar

ذكر
عدد الرسائل : 2414
العمر : 47
العمل/الترفيه : الادب والشعر والخواطر
المزاج : ادب وشعر وثقافه
الدولـــة : 0
السٌّمعَة : 0
تاريخ التسجيل : 06/02/2008

مُساهمةموضوع: رد: حمله هاتنغير بجد   السبت 18 ديسمبر - 13:16:09

مشكوووووووور لك اختى الغاليه على الموضوع

_________________

 


 


[ندعوك للتسجيل في المنتدى أو التعريف بنفسك لمعاينة هذا الرابط]


 


 


 

الرجوع الى أعلى الصفحة اذهب الى الأسفل
http://adyeb.yoo7.com
 
حمله هاتنغير بجد
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أديب الظــــل :: الاقسام الاسلاميه :: المنتـــدى الإسلامى-
انتقل الى: