عدد الرسائل : 984 العمر : 38 العمل/الترفيه : طالبة فاشلة في كلية الحقوق المزاج : مجنونة حبتين لأ تلاتة الدولـــة : 0 السٌّمعَة : 0 تاريخ التسجيل : 10/03/2008
موضوع: هوة دة العادي الجمعة 21 مارس - 19:05:51
تيجى لسه طالع من بيتك فى الصبحية وبتقول يافتاح يا عليم يارزاق يا كريم
تضرب كف على كف وتقول سبحان الله ايه اللى بيحصل فى البلد ده
وبعد كده تفتكر وتقول
أه صحيح ماهو ده العادى
هوب تركب المواصلات من هنا وتقفل باب العربية من هنا يقولك ماتحسب ياريس براحة على الباب
تقول لمؤاخدة ياسطى معلش لسه نايم
يقولك ماشى يابا صباح الورد وتقولوا صباح الفل وتديلى الأجرة يقولك ايه يابا أنت اول مرة تركب معانا دى الأجرة بقت بجنيه
تقول سبحان الله أنا لسه راكب امبارح من هنا يقولك البنزين غلى يابيه
تقول صحيح هيه جات عليك ياسطى
وتفتكر وتقول أه صحيح ماهو ده العادى
تيجى نازل ولسه داخل على الشغل
ويشوفك المدير هوب أنت كل يوم متأخر 5 دقايق أنت امتى تظبط مواعيدك
معلش يافندم أنت عارف المواصلات
يقولك على مكتبك يافندى
وهو تلاقيه كل يوم جاى بعديها بساعة الا ربع الا يوم ضربت معاه وجاه بدرى شويه
وأنت رايح على مكانك وتقول
أه صحيح ماهو ده العادى
تيجى مروح وراكب المواصلات وتلاقى الطريق واقف أصلى المحافظ بيصلح الطريق
وتلاقى السواق بيسب ويلعن وتقوله مش كده ياسطى
يقولك اسطى ميين أنتوا خلتوها خل
وتقل صحيح أنا مالى أنا
ماهو ده العادى
تيجى داخل البيت تلاقى الجيران ماسكين فى بعضيها وهوب حدفوا بعض بالجرادل والمكانس
وشتيمة وقلة أدب
وتقول مش كده يا جدعان
ولا حياة لمن تنادى
وتقول أه صحيح ماهو ده العادى
تيجى خارج بالليل وتقول أقعد مع صحابى شويه ونطلع ع البحر كده بنتمشى
تلاقى البت قاعده مع الواد والبت ترقع ضحكة
هيهأ بس بصوت مجلجل كده
تقول انا لله وانا اليه راجعون
وتفتكر وتقول أه صحيح ماهو ده العادى
امتى بقى نعمل ثورة لانقلاب العادى ده عشان ميبقاش عادى
عايزين نفوق عايزين نصحى
عايزين صرخة
عايزين نعمل تعديل للمفاهيم ديه
ونقول لا مش عادى لا مش عادى لا مش عادى
وصحيح ايه اللى أنا بكتبه ده
معلش يا جماعة ماهو ده العادى منقوووووووووول
sayedmadkoor مالك ومؤسس منتديات اديب الظل
عدد الرسائل : 2414 العمر : 52 العمل/الترفيه : الادب والشعر والخواطر المزاج : ادب وشعر وثقافه الدولـــة : 0 السٌّمعَة : 0 تاريخ التسجيل : 06/02/2008
موضوع: رد: هوة دة العادي الجمعة 21 مارس - 20:28:25
مشكور جدا اختنا العزيزه ولؤلؤه المنتدى مروه على حضورك الطاغى وسطرك الغالى للمزيد من النجاح ننتظر
$ همسات عاشقة $ عضــو مشارك
عدد الرسائل : 51 الدولـــة : 0 السٌّمعَة : 0 تاريخ التسجيل : 08/03/2008
موضوع: رد: هوة دة العادي السبت 22 مارس - 6:40:08
بسم الله الرحمن الرحيم
اختى الغالية سلمت يداكى على الموضوع الرائع حقا متى يأتى اليوم ونستيقظ ؟ متى يأتى اليوم ونثور على كل الاشياء التى تؤرقنا ؟ متى اليقظة والوعى بيننا وفعل الاشياء بمحبة دون روتين وملل ورتابة ؟ سلمت يمينك على ماابدعت مشكوووووووووووووووووووورة ياقمر تقبلى مرورى
زائر زائر
موضوع: رد: هوة دة العادي السبت 22 مارس - 13:45:55
السؤال: يا ترى ممكن نغير العادى دة ولا الوقت فات؟؟؟؟؟؟؟؟؟؟؟؟؟؟؟؟
manna نائب المدير العـام
عدد الرسائل : 984 العمر : 38 العمل/الترفيه : طالبة فاشلة في كلية الحقوق المزاج : مجنونة حبتين لأ تلاتة الدولـــة : 0 السٌّمعَة : 0 تاريخ التسجيل : 10/03/2008
موضوع: رد: هوة دة العادي السبت 22 مارس - 15:57:14
sayedmadkoor كتب:
مشكور جدا اختنا العزيزه ولؤلؤه المنتدى مروه على حضورك الطاغى وسطرك الغالى للمزيد من النجاح ننتظر
اشكرك يا ابو السيد وربنا يخليك للمنتدي ويبقي احسن منتدي في الدنيا
manna نائب المدير العـام
عدد الرسائل : 984 العمر : 38 العمل/الترفيه : طالبة فاشلة في كلية الحقوق المزاج : مجنونة حبتين لأ تلاتة الدولـــة : 0 السٌّمعَة : 0 تاريخ التسجيل : 10/03/2008
موضوع: رد: هوة دة العادي السبت 22 مارس - 15:58:45
منى مدكور كتب:
السؤال:
يا ترى ممكن نغير العادى دة ولا الوقت فات؟؟؟؟؟؟؟؟؟؟؟؟؟؟؟؟ بيتهيألي كدة والله اعلم مفيش امل اننا نتغير اصل لو فيه امل كنا اتغيرنا من زمان بس اهوة ادينا بنحاول
موضوع: هوة دة العادي 
الجمعة 21 مارس - 19:05:51
