عدد الرسائل : 2414 العمر : 52 العمل/الترفيه : الادب والشعر والخواطر المزاج : ادب وشعر وثقافه الدولـــة : 0 السٌّمعَة : 0 تاريخ التسجيل : 06/02/2008
موضوع: البنت حبيبه ابــــــــوها الأربعاء 15 يونيو - 23:45:43
دخلت على والديها وهى فى قمه الفرح والسرور بينما كانت والدتها تساعد والدها فى استبدال ثيابه بعدماعاد كالمعتاد من عمله لتندفع نحوه فى ابتسام وبراءه فين الحلاوه بقى ياسى بابا ؟؟
حلاوه ايه ياحبيبه بابا .
هو مش النهارده ياسى بابا ظهرت نتيجه الامتحانات وبيقولوايعنى بيقولوا ايه ياستى ؟ نجحت والحمدلله وطلعت الاولى كمااان الف مبروك فيستدير نحو زوجته مستفسرا امال انت ماقولتليش يعنى والنبى ياخويا كنت هاقولك بس ... هى اللى صممت انها تقولك بنفسها والمحروس التانى عمل ايه سبع البرومبه؟ مش عارفه والله من ساعه ماخرج الصبح يشوف النتيجه مارجعش ؟ لسه مارجعش ولا..؟ ولا ايه اكفنا الشر..؟ والله انا مابقتش عارف اعمل معاه ايه الواد ده ومش عارف احنا اللى دلعناه زياده عن اللزوم ؟ وانا اللى كنت بقول امتى يجى الولد الولد واهو جه الولد وياريته ما اتولد حرام عليك بقى ماتظلمهوش اكتر من كده الواد لسه صغير؟ هو انا قصرت معاه ولا قصرت فى تربيته ...؟ وانا اللى كنت بستناه واقول بكره هايكون لى سند وضهر لى وليك لما نكبر طلعت خلفته لاتسر عدو ولا حبيب طيب وحد ربنا بقى البنت لسه واقفه تقول ايه على اخوها وهنا يعود بوجهه متطلعا نحو ابنته ملاطفا اياها فى حنان احنا بقى ياستى نتغدى الاول وبعدين نشوف طلباتك ايه ؟؟ وماهى الا لحظات قليله ويدق بابهم لتسرع الزوجه لكى تفتح الباب فتجد والدتها قادمه وقد اعياها الطريق ومشقه المسافه التى قطعتها حتى وصولها اليهم وبرفقتها ابنهم الوحيد مشحوب الوجه خافت الصوت و
فى انكساركأنما تخطفه الطير اهلا ياماما يامرحب بست الكل اتفضلى ازيك ياحبيبتى وازي اخبارك تمام الحمدلله ....تعالى ما انا داخله اهو هو يعنى انا
هافضل واقفه على الباب
ماتدخل ياسيدى
قال يعنى وش كسوف
في ايه ياماما خير؟؟
اصل النتيجه ظهرت ؟
يبقى عملها وسقط يالهوى علينا وهنا يندفع بالصراخ فى وجه امه
وانا اعملكم ايه ما أنا ذاكرت على قد ما اقدر وكمان ليك عين يابارد
ترد طيب استلقى بقى وعدك من ابوك ؟
وهو هايعمل لى ايه يعنى ؟
عيب يابنى ابوك جوه يسمعك
فتدخل والده الزوجه فى الحديث شوفتى اخره تربيتكم للولد اللى فضل يقول امتى يجى الولد وكان عايز يتجوز عليك لما اتأخر حملك يوه ياماما انت لسه فاكره وده حاجه تتنسى ابدا فتخرج على صوت حديثهم الابنه التى تهرول لاحتضان جدتها مبشره اياها بالنتيجه ستو ستو مش انا نجحت وطلعت الاولى كمان ؟ الف مبروك ياحبيبه ستو ضاحكه الله يبارك فيك يامااما ستو فين بقى الهديه بتاعتى ؟ عيونى ليك بس دلوقتى اخدك معايا وننزل نشترى ليك اللى انت عايزاه خلاص هاروح اقول لبابا انى هانزل معاك نشترى الهديه شوف البنت ملهوفه على الهديه ازاى وانت زعلان ليه وبعدين معاك انت بتكلمينى ازاى كده يابنت انت انا لى اسم يسلام كمان بتردى امال حد قالك انى خارسه يعنى طيب امشى من قدامى الساعه ده احسن ما انت عارفه هاتعمل ايه يعنى هاتضربنى يابابا يابابا فتدخل مسرعه تستنجد بوالدها اللى استلقى على فراشه من فرط الشعور بالغضب والحزن بعدما وصل الى مسامعه نتيجه امتحان ابنه الوحيد الذى خالف ظنونه وهو يضرب كفا على كف لا حول ولا قوه الا بالله العظيم
يعنى يارب انا كنت بقول يارب ارزقنى بالولد ولما يجى الولد يطلع فاشل والبنت هى اللى تطلع شاطره فيشعر بها وهى تجاوره على حافه الفراش ترنو بكفيها الصغيره على جبينه فى براءه وحنان مالك يابابا انت تعبان ولا ايه ؟؟ لا سلامتك ياحبيبه بابا فتدخل الزوجه لكى تدعوه لتناول طعام الغداء مع والدتها وابنهم الوحيد وما ان وجدته يحتضن ابنتهم فى حنان حتى وقفت على موضع قدميها وهى ترى الدفء والحنان المتبادل بين الاب وابنته الصغيره التى ادخلت السعاده والبهجه على قلبه بخبر نجاحها ومدى تعلقها بحب ابيها ياسبحان الله اللى يشوفك دلوقتى مايشوفكش لما اتولدت وكنت زعلان انها جات بنت