رساله حب من الحكومة لابنها المواطن

عزيزى المواطن بتاع النضال

يا راكب دماغك و غاوى الحلال

نصيحة يا صاحبى بلاش الخيال

و غمض عيونك و ربى العيال

بلاش المناكفة و لايم و عيش

هتتعب معانا و سهمك يطيش

نلفق لاهلك قضية حشيش

و تصبح حكاية و نكتة و مثال:

تعالى و هاودنا و عدى الامور

و عيش فى الطراوة و خش الطابور

لكن لو هتزعل و دمك يفور

هنشهد نهايتك فى بحر الرمال

هتصبح حرامى هتصبح امير

هتصبح حرامى و ندل و اجير

و نقدر نلخبط فى اصلك كتيير

و جدك شحاتة هيصبح شحال

هنحلف ان الحبايب شافوك

بتقبض يا خاين و تقتل اخوك

ساعتها مراتك هتلعن ابوك

و تلطم و تنعى احط الرجال

مالكش انت دعوة بى ايه اللى ضاع

و مين اللى شارى و مين اللى باع

و مين اللى كيل و مين اللى شال

فحب الحكومة و حب السلام

و علم ولادك يشدوا الحزام

علشان بكرة هياكلو حمام

و ينسوا الاسية و ينسوا الهزال

فلازم يا صاحبى تغمض عنيك

و طنش علينا نطنش عليك

و اياك تشاور نقطع ايديك

و تصبح مواطن ما يسواش ريال

عزيزى المواطن بتاع النضال

يا راكب دماغك و غاوى الحلال

نصيحة يا صاحبى بلاش الخيال

و غمض عيونك و ربى العيال

الله عليك لماتتدلع ياسياده المستشار
مشكو ر احلى مروه

sayedmadkoor كتب:

شكرا يا ابو السيد
يا احلي سيد

زائر

جميل
بس ممكن اعرف مين الكاتب؟؟
شكرا عزيزتى

بصي يا مني
انا معرفش بالظبط مين الكاتب
بس هية عجبتني فقولت اكيد هاتعجيبكو انتو كمان

ملحوظة

انا مكتبتش عليه منقول عشان الطبيعي انه منقول مادام موجود في منتدي الادب المنقول

جميل اووي الخطاب ده
وظريف كمان بس انا مش هعمل بيه
مجرد مزاح فقط
بس الحكومه دي قاسيه اوووي
مرات المواطن تلعن ابوه
فعلا واقع مواكب
شكرااااااااااااااااااااااااااااااااااا اخوكم عبده

استاذ عبده
نورت موضوعي
بالمناسبة اسالتك غريبة قوي
هوة انت مش مصري؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟

» رساله من دمى
» رساله حب
» من مذكرات المواطن "س"
» رساله الى قطر الندى
» رساله الى اختى