تسوى ايه................. وعلى فكره متسجله فى الشهر العقارى

[center][b]
تسوى ايه

تشرب مخدرات تشرب هباب
تاكل لحمه تاكل كباب
.كله ليك

لكن قولى تسوى ايه
لما تصرف اللى معاك ع البانجو والحشيش ولما ابنك يسألك هات فلوس تقوله مافيش
تسوى ايه
لما تمشى فى الشارع تطوح تسوى ايه ومانتش عارف حتى تروح
تسوى ايه
وم الحيطه دى للحيطه دى عمال تتسوح وكلاب السكك عليك عماله تنوح
تسوى ايه
تعرف تقولى الفايده ايه لما تشرب سجاره والا اتنين وتلف لفه والا لفتين
الفايده ايه
لما تبيع غالى ورخيص عشان تشرب وترضى ابليس
الفايده ايه
تعرف تقولى تسوى ايه لما نبغضك كلنا ويغضب عليك ربنا
تسوى ايه
تسوى ايه الدنيا عندك عمال بتشرب ولا انت همك
هو انت ايه
كل اللى همك تكيف دماغك خليك كده لحد مايجى داغك
ياراجل ايه
تسوى ايه لما ابنك يشوفك راجع فى نص الليل فى صوره ما لهاش مثيل
عمال تهلفط فى الكلام وتزعق والناس نيام
تسوى ايه
والواد يعينى من الكسوف مش عارف يروح لفين
يهرب وعينه مليانه خوف من نظرة اللايمين
تسوى ايه
انت جبت دماغه الارض مش فارقه معاك طول ولا عرض
تسوى ايه
اصحى وفوق بص لفوق خلى مقامك فى السما
ماتبقاش وضيع وكرامتك تضيع وسط قعده مغيمه
بدخان الشيشه ولا عزومه على حتة حشيشه
قوم ياراجل من وسطهم عيالك اولى بيك منهم
تسوى ايه
لما ابنك يشوفك تعمل كده وحالتك مدهوره بالشكل ده
تسوى ايه
هاتقوله ايه اوعى تعمل كده دا فاقد الشيئ عمره مايعطيه
تسوى ايه
انت بكده فاقد الاحترام شيئ ما فيهوش كلام
وازاى تبقى محترم وصدرك بيصرخ م الالم
تسوى ايه
وفجأه وانت ماشى تتكب على وشك تسف التراب ودا كله من شرب الهباب
تسوى ايه
والناس بتتفرج عليك والكل شمتان فيك دى اخرة المسطول دوخه وتوهان علاطول
تسوى ايه
انا عارف ان اللى قلته مش داخل فى راسك بس عشان اهلك وناسك
بص لقدام شويه فكر فى الدنيا ديه
لازم تعيش فيها مفتح خليكى صاحى مدردح
وبطل شرب الهباب مافيش من وراه غير العذاب
وتسوى ايه
تعرف تقولى فى النهايه بحالتك دى تسوى ايه قولى تسوى ايه
تسوى ايه
تسوى ايه

اسلام عرفان
1-1-2008