حـــــــــــدوة مصــــــــــــرية

حـدوتة مصــرية ....

يقولوا حس بالكلمة
وعيش العمر باللحظة
ولا تعديها بالساهل
على مهلك
وفكر ف للي تستاهلوا ويستاهلك
حرام العمر يُستهلك
فى أشيا متستاهل
ونا حكايتي حكاية شعب
بقالوا كتير عايش صاحي
مبينامشي
ونا زيو لايوم اقدر أرد الباب
ولا يثبت ف يوم رمشي
تعالى ياآسي شوف حالنا
ما بين التوهة والفوقة
وناس عايشة ومخنوقة
وذا ما سَرّك الموضوع
ف داهية ويلا قوم امشي
ونا وانتم
تعالوا يا صحبة مكبوتة
نقوم نرسم
حكاية شعب منحوتة
بقالها سنين
حفظها القلب فى ضلوعه
وغسلاها دموع العين
وكل ماجيل جديد يظهر
نقول هاتي ياحدوتة
وعجبي عليك يا جميزة
بقالك عمر فى نواحك
مع الساقية ومع التوتة
وطور مربوط ومتعصب
بقالوا زمان ما بيونش
داير وف دايرة مقفولة
وكلو بيبكي على كلو
وابو قردان
يجي حيران
ويقول ياخولنا معقولة ؟
مفيش حبة ضمير صاحية
تفك الأسر دا شوية
على الداير
على القاعدة
على الواقفة ومخبولة
ويلا يا قطر يا مجبل
قول للأهل واحشني
وقول ساعة تركت البيت
ونا والربابة نغني
سافرت بصرة الأحلام
وزادي كان خيال صافي
وخايف يَمّا أرجعلك
براس شايبة وقدم حافي
يمي ادعيلي ساعة الفجر
يمكن بكرة نتلاقي
على أطلال اللي ظلمونا
ياما نفسي ياأمي أعيش
لحد ماشوف فيهم ساعة
لَزَرعتهم يجيها حصاد
ولا بيوتهم يزورها هواد
ومن الديّانة يتخبوا
بحق الفجر والبركة
يخلصنا اللي خالقنا
من الظالمين وأعوانهم

محمود آل بدوي

زائر

حدوتة مصرية
حدوتة بنعيشها مش بس بنشوفها
محمود البدوى بيكتب
ويحكى اجمل حدوتة اقر ب للمأساة
كلمات جميلة
كل سنة واحنا عايشين فى الحدوتة
منى