الزمن الحـــرام

زائر

الزمن الحـرام

وكأن فيه قرآن نزل
أو ربنا أرسل رسل
يبشروا بالكلمة كيف
الكلمة كدب
الكلمة زيف
نفاق . . رياء
والجنة للكلمة الزواق . .
الناس على كفوف الطريق
متلضمين فى كلمتين
كلمة على فردة قدم متجرجرة
ماشية بتعرج ع الرصيف
وكم أيادى تزقها
لأجل ترجعها ورا
وكلمة تانية مزنهرة
ومزمجرة
راكبة على رجلين فرس
دايما تعدى بسدرها
حتى ولو من غير حرس
وفـ كل سكة م السكك
تنزل على الكلمة الكسيحة بتقلها
تكسر لها إيد م الإيدين
تقلع لها عين م العنين
والناس
الناس زى كل الحروف
يتفرقوا . يتجمعوا
وبس بس . يوعوعوا
ونتوه فى معنات الكلام
العدل إيه . والظلم إيه
الكلمة راجل شهم
أو راجل جبان
حتى ولو كانت كتابة ع الورق
أو ع الحيطان
والناس زى كل الحروف
خرسه . وجواها الكلام
وكم حروف
حين تنترى
او وقت يرتلها الشعور
وتصير على طرف اللسان
يزعق عليها ديدبان
تتلون الكلمة
بألف وألف لون
وتدوب عيون المعرفة
بين الزواق والفلسفة
والكلمة تصبح زخرفة
تحبل
وتولد معنى غير معنى الكلام
وتأكد أن ده
الزمن الحرام

اشكرك اخى المبدع فارس عبدالعزيز

على ابداعك الراقى وتواجدك الرائع وكلماتك

marona85

فـارس عبد العـزيـز كتب:: والناس زى كل الحروف
خرسه . وجواها الكلام
وكم حروف
حين تنترى
او وقت يرتلها الشعور
وتصير على طرف اللسان
يزعق عليها ديدبان
تتلون الكلمة
بألف وألف لون
وتدوب عيون المعرفة
بين الزواق والفلسفة
والكلمة تصبح زخرفة
تحبل
وتولد معنى غير معنى الكلام
وتأكد أن ده
الزمن الحرام

حلو قوي المقطع دة يا فارس
وانت علي فكرة لمست حاجة مهمة قوي
بتحصل في زماننا ده وهي
النفاق والسكوت عن الحق
عندك حق بجد احنا فعلا في زمن الحرام

تتلون الكلمة
بألف وألف لون
وتدوب عيون المعرفة
بين الزواق والفلسفة
والكلمة تصبح زخرفة
تحبل
وتولد معنى غير معنى الكلام
وتأكد أن ده
الزمن الحرام
حلو هذا المقطع اتمنى الك التالق الدائم يارب
تقبل مروري نورا العراقيه

زائر

اشكركم جميعا على مروركم وكلمات الثناء على كتبابتى

لكم كل الود والتحية

» السفر فى الزمن !!
» بالصور: مصطفي قمر وزينة يحتفلان بـ ''فارس الزمن السعيد''