يوميااااااااااااااااااااااااتى

انا النهاردة للاسف فقدت صديق غالي عليا
كنت فاكرة انه هايبقي جامبي ونبقي اجمد اصحاب في الدنيا
انا بجد مش لاقية كلام اقوله
يالا علي رايه
مفيش نصيب
الحمد لله

زائر

معلش
كلنا اصحابك
ولا يهمك

اشكرك يا مني
ماهو دة العشم برضه

زائر

كلنا اخواتك واحبابك يا قمر

زائر

النهاردة

اول ما صحيت قولت اما افتح المنتدى
لقيته بقى جميل ورايق
وفاضى
وكل اللى بيدخل
بيبص ويمشى
بقى كدة برضة ينفع يا جماعة
فين اللى انتوا بتكتبوه؟؟؟
عايزين المنتدى بتاعنا يكبر ونفتخر بية
كدة ولا اية؟؟؟

والله عندك حق يامني
انا كمان حاسة اني
بكتب في الصحرا
ايه ياجماعة
مفيش قي المنتدي غير خمسة؟
مينفعش كدة
دة حتي قسم الرياضة انا اللي بكتيب فيه
والنبي دة ينفع؟
فين الشباب
ياجماعة شدو حيلكو معانا شوية
هوة انا هاحارب لوحدي؟
عايزين المنتدي يبقي احسن منتدي في الدنيا
دة اصلا لو حد دخل وقرا الكلام دة
انا حاسة اني بادن في مالطة

زائر

شوفى
احنا نعمل اللى نقدر عليه والباقى على ربنا

وبكرة ان شاء الله الكل يكتب ويرد

منى مدكور كتب:: النهاردة

اول ما صحيت قولت اما افتح المنتدى
لقيته بقى جميل ورايق
وفاضى
وكل اللى بيدخل
بيبص ويمشى
بقى كدة برضة ينفع يا جماعة
فين اللى انتوا بتكتبوه؟؟؟
عايزين المنتدى بتاعنا يكبر ونفتخر بية
كدة ولا اية؟؟؟

ولا يكون عندك اى شاغل لو المنتدى مش هايكتب فيه غير منى ومروه

فهذا شرف لى ما بعده شرف
لكن ان شاء الله هيكبرويكبر بيكم انتم الاتنين
لكل مجتهد نصيب
وان الله لا يضيع اجرا من احسن عملا
وعلى فكره انا من النهارده اجازه من المنتدى يومين تلاته
يعنى انتم الاتنين فقط اللى هتبقوا فى المنتدى عايز اعرف بقى حواء جديره بالتحدى ولا هو كلام وبس
عليكم انتم بقى تخلوا الاعضاء يزيدوا ويشااركوا بجد

نظمي سلت ايده يارجااااااااااااالة

واخدة بالك يامني؟
انا اجازة يومين تلاتة وعايز اشوف بنات حوا هايعملو ايه؟
شوفتي نظمي؟
بيخلع بشياكة
ارحمني يا رب
يعني احنا كنا ثلاتة ودلوقتي هانبقي اتنين؟
معلش بقي يا مني مفيش دلوقتي غير اللمون عشان المخلل واخد اجازة
هاتقدري ولا نفسك هاتغم عليكي؟
انا عايزة اقوللك حاجة يا نظمي
تصدق؟
هاتصدق ان شاء الله
ان مفيش حاجة في البلد دي بتمشي الا ببنات حوا
كل حاجة السياسة او الاقتصاد او حتي العيش احنا اللي بنقف في الطوابير ونتخانق عشان حضراتكو تاكلو
يبقي بتقوللي بقي مش هانعرف نمشي منتدي
لا حول ولا قوة الا بالله
يامني قوليله حاجة يا بنتي
خد اجازة يا بني وانبسط
بس ما تتاخرش عشان هاتوحشنا
وصدقني هاترجع ان شاء الله تلاقي المنتدي مقفول
أأأأقصد يعني مقفول من كتر الناس اللي بتشارك
ههههههههه لحقت نفسي
اطمن وحط في بطنك بطيحة
ولا لا البطيخ بيجيب تسمم
واحنا محتاجينك
اهم حاجة تتبسط عشان لو لاقيتك بتكتب حاجة فيها كآبة مش عارفة هاعمل فيك ايه؟
اخيراااااااااا
سنفتقدك تروح وتيجي بالف سلامة

زائر

سيد الغالى

اجازة سعيدة
وربنا يقوينا انا والغلبانة مروة
لكن انا صحتى النهاردة مش تمام
ربنا يستر
هههههههههههههههههههههه

بقالي يومين مش بدخل علي المنتدي عشان النت كان فاصل
كنت حاسة اني وحيدة شريدة
وحسيت بالغربة اكتر اول مادخلت ومالقيتش ولا مني ولا سيد كاتبين حاجة
طب سيد وعرفنا انه واخد اجازة طب ومنمون فينك ياقمر؟
عايزة اطمن عليكي
ومش معقول تسيبوني لوحدي كدة
معقول اللمون يقعد لوحده ازااااااااااااااي؟
انا حاسة انك تعبانة
لو تعبانة يبقي الف سلامة عليكي
ولو كنتي بتدلعي
مش عارفة هاعمل فيكي ايه بجد عشان تسيبيني لوحدي كدة
بجد حاسة بفراغ رهيب
وعلي طريقة
عودي يا هاميس
عودي يا مني
عشان تنوري المنتدي
اومال يعني مين هايرد علي مواضيعي غيرك؟
يلا بقي وحشتيني
يا وحشة

زائر

النت كان فاصل
ولا كانوا ماسكينك تحرى؟؟
قولى الحقيقة متخافيش
ههههههههههههههههه
وانا هنا على طول يا حبيبة قلبى
اى حاجة نادى بس
وكنت جبت لك عيش وحلاوة يا حلاوة

هههههههههههههههههه
لا متقلقيش
يابنتي دة احنا بتوع القانون كله
وبعدين الطلبة ميقعودوش في الحبس اكتر من24ساعة
وانا بقالي يومين
بس برضه متشكرين علي السؤال
وعلي العيش والحلاوة
وربنا يخليكي ليا

زائر

اى خدمة

بس انت اطلبى
ههههههههههههههه
شوفى بقى اما حصل حتة موقف
رحت امبارح انا ومحمود نزور ناس قريبنا
فى محافظة تانية
المهم , خرجنا من القاهرة فى ربع ساعة وكان متبقى لنا مفيش نصف ساعة ونوصل
وبعدين المرور اتعطل والاشارة وقفت
وفضلنا مستنين حوالى 3 ساعات
ومفيش فايدة
اخر ما زهقنا قلنا ناخدها كعابى وهنوصل اسرع
هههههههههههههههههههه

زائر

النهاردة هحكى لكم عن حاجة حصلت من زمان

حكاية اول هدية جابها لى محمود
كنت فى اولى اعدادى ومحمود فى اولى ثانوى
وكان بقى لى كتير سنين ماسفرتش البلد لان بابا كان منقول فى الصعيد بيشتغل هناك
ولما جينا مصر قضينا اول اجازة فى البلد
واول مرة محمود يشوفنى من ساعة ماكنا صغيرين
بصيت لقيته خرج ورجع بعد ساعة
معاة اية
تتصوروا جاب لى اية؟؟
حلة توت اسود
من التوتة اللى فى الجنينة
وغسل التوت واحدة واحدة
وقالى كلى يا منى
احلى توت فى الدنيا
وبعدها كل ما اروح البلد يجيب لى توت
تفتكروا بعد ما اتجوزنا هيجيب التوت
ههههههههههههههه
ولا دة كان جر رجل بس

طبعا جر رجل
انتي فاكرة انك بعد ماتجوزتو هايجيبلك توت تاني؟
ادي دقني لو شوفتي البلد اصلا تاني
يا بنتي دول بيتمسكنو لحد مايتمكنو
ربنا معاكي

زائر

لا

معنديكيش حق
ان كان على التوت
فهو زرع لى توتة فى البيت
اما البلد
دى عاملة زى الهوا
مكتوب على الجبين
والمكتوب على الجبين لازم تشوفه العين
هههههههههههههههههههه

ايه يعني؟
اطلع منها انا؟
ماااااااشي
ربنا يهني سعيد بسعيدة

زائر

وانا اقدر استغنى عنك يا قمر
اخص عليك

الله يخليكي

زائر

احنا النهاردة فى بداية شهر ابريل

وبمناسبة هذا الشهر الكذاب
عايزين نعرف اية اكتر كدبة اثرت على حياتنا؟؟
كدبة ابريل

لسة من شوية كنت اتصفح
اقرأ
ولقيت كلام غريب
راجل حامل
هههههههههههههههه
تتصوروا
وسعيد ومبسوط جدا وبيقول ان الحمل حاجة انسانية
كدبة اكيد ولا انتوا تفتكروا انها حاجة غير كدة؟؟

زائر

من الواضح ان اعضاء المنتدى الكرام , كلهم واكلين سد الحنك

هههههههههههههههه
محدش حكى اى حاجة
شكرا ليكم يا جماعة
::::::::::::::::::::::::::::::::::::::::::::::::::
النهاردة حصلت حاجة غريبة جدا
اية اللى حصل؟؟؟
خرجنا الصبح لقينا كل غطيان البلا عات مش موجودة
تتصوروا!!!!!! الحرامية سرقوا غطيان البلاعات
الناس خلاص ناقص تسرق اسفلت الشارع
ربنا يستر
كل واحد يخللى بالة من نفسة كويس
نصحتكم وربنا معانا

زائر

السلام عليكم

اليوم النهاردة كان يوم جميل وحلو
اولا عدد اعضائنا ذاد ومشاركتهم ذادت
ودة شئ مفرح جدا جدا
ثانيا
حلوان بقت محافظة
وبعد كدة
حلوان هتعلن الاسقلال التام وتكون جمهورية مستقلة
تحيا محافظة حلوان
تحيا شوارع حلوان
بالروح بالدم نفديك يا حلوان
ولم لم اكن حلوانيا
لوددت ان اكون حلوانيا
ومساء البتنجان
م كلة بقى بتنجان فى بتنجان
وبكرة الهرم يبقى فى اسوان
وكل عام وانتم بخير
وكل يوم بخبر جديد

لولولولولييييييييييييييييييييييييييييي
مبروووووووووووووك يامني
الف مبروك
عقبال ما اشوفك محافظ حلوان يا رب

هوة انتي فرحانة قوي كدة ليه؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟

زائر

اكيد انتى مقريتيش الكلام للاخر
نرجو القراءة بتركيز
وانت تفهم يا جميل