عشان انت مصرى : احمد فؤاد نجم

عشان انت
مصرى : احمد فؤاد نجم

عشان
انت مصرى لازم تعانى
وتفقد
كرامتك بكل المعانى

وتحرق
فى دمك سنين مش ثوانى

واوعى
تصدق كلام الاغانى

بتاع
الحضاره وكانى ومانى

ده
كله هجايص مايدخل ودانى

عشان
انت مصرى العذاب بيناديك
بتبدا
فى يومك حاجات بترازيك
فى
نومك فى قومك تعكنن عليك
تضايقك ولسه العماص فى
عينيك
مافيش
ميه تشطف صابونه فى ايديك
وجسمك
ملزق وريحتك عاديك
فتلبس
وتنزل وفيك اللى فيك

ورايح
لشغلك حتحتاج مواصله
ادى
المترو واقف وكهربته فاصله
وفى
الميكروباص خناقه وحاصله
اوتوبيس فرامله عايزالها
وصله
وتوك
توك ده تايه ومحتاج لبوصله

بتوصل
لشغلك بدم اتحرق
فى
زحمه وكتمه وحر وعرق
رئيسك
سايبلك كومه ورق
ده
غير دمغه ضايعه وملف اتسرق
وفى
كام مواطن عامللك قلق
بيشكى
تقول له روح اندعق
وعركه
وهوجه وشاى اندلق
ومخك
خلاص من الصداع اتفلق

هترجع
لبيتك ده لو كان فى بيت
هتوصل
هتندم ياريتك ماجيت
مراتك
بتصرخ خلاص استويت
عيالك
بتطلب وهات كيت وكيت
تزعق
تهاتى ياناس اتهريت
ولاحد
سامعك مهما هاتيت

عشان
انت مصرى وده للاسف
فلازم
تاسى تعيش تتقرف
وكل
الاساسى فى حياتك ترف
فتنسى
الكرامه وتنسى الشرف
وتسرق
وتنصب او تنحرف
ودمعك
بيجرى وجرحك نزف
مش
انت اللى مصرى؟؟؟
جتك القرف

عذرا لاخر كلمتين بجد ضمن كلام احمد
فؤاد نجم

زائر

شكرا
جتك القرف
هههههههههههههههههههههه

شكرا ليكي
طب هاعمل ايه؟
هاهرب من قدري اروح فين؟
ماهو انا مصرية
طبعا جاتني القرف

» احمد فؤاد نجم
» من احمد فؤاد نجم ل.................................
» احمد فؤاد نجم
» اجمل طفل مصرى
» مهندس مصرى يصمم «نصبا تذكاريا» لوضعه بالقرب من كنيسة القديسين