اااااف ريحه تقرف

النهارده بقي موضوع مختلف وجديد
امبارح و انا قاعده افتكرته قلت طبعا مش لازم يفوتكوا ولازم يكون ليكوا السبق في معرفته
لما كنت في الكليه اييييييه ايام الله لا يعودها
كنت اخلص المحاضرات و جري عالبيت عشان الحق ازاكر اصل كل يوم امتحان وياريته كان بفايده
قعدنا نزاكر نزاكر نزاكر و الدكاتره كانوا بيتفننوا ازاي يعزبوا الطلبه الغلابه ونتهري مزاكره و في الاخر الامتحان يكون خارج المنهج خاااااااالص يعني لا محاضرات و لا كتب و لا مراجع بتحوق معاهم
وفي يوم و انا خارجه من السجن اقصد الكليه ملقتش اي وسيله مواصلت تصلح اني اركبها
اصابني الياس فقلت مفيش حل غير اني امشي للموقف بتاع المني باص
و طبعا الجو نااااااااااااار
و الدم ضرب في نفوخي مرورا بجنينه الحيوانات و ما ادراك ما جنينه الحيوانات تفوح منها اعطر الروائح تحس بالمتعه كده و انت ماشي و شامم الريحه ريحه انما ايه
ريحه معتقه
استغفر الله العظيم
ووصلت للموقف بعد ان اصبحت مش طايقه الحياه الجو حر و مفيش مواصلات
و هب جاء المنيباص
و احنا بقي عندنا عاده تقرف اول لما الناس تشوف المني باص جاي من بعيد الكل يجري
هههههههههههههه
ستات و رجاله و عيال الكل و كانه سباق عشان نشوف مين الاسرع
و في الاخر الطريق يتفتح قبل لما حد يركب و المنيباص يجري و الناس تجري وراه
و هو يجري و هم يجرو
ههههههههههه
و اللي واقف عالمحطه من غير لما يجري
اول واحد يركب وده اللي حصل معايا
ركبت و كنت عايزه اطلعلهم لساني و قعدت بقي
و شفت شاب انما ايه العياقه و خداه و طول بعرض ايما و سيما
جاء و قعد جنبي زي الشباب بتوع جيل المستقبل بتاع جمال مبارك
وريحه البرفان بتاعته قلبه الدنيا
طبعا اختكوا كانت فرحانه بيه اصله كان معجب بيا و هات يا نظرات ويعدل ياقه القميص و يبصلي و انا مطنشاه
و يلمع الجزمه و يبصلي
قلت يا واد طنش خالص
اخر مغلب سالني الساعه كام يا انسه لو سمحتي؟؟
انا بقي عارفه ان دي حركات و لو اديته و ش هيزيد فيها و مش بعيد يقولي اسمك ايه و ساكنه فين و يفتكرني بنت سهله
وانا بقي لغايه كده باللي في رجلي لا يهمني جيل المستقبل و لا غيره
عملت نفسي مش واخده بالي و قلت يا واد طنش خالص
عاد السؤال تاني

طبعا اديته و ش خشب
وقلتله مش معايا ساعه
و كان في ست كبيره قاعده عالكرسي اللي ورانا
و فجاه لقينا راسها في النص عندنا
صرخت بعلو حسها و قالت
ااااااااااااااف
لدرجه ان الواد اتنطر من مكانه
و كانت بتقول
اااااااااااااااااااااااف
ايه الريحه دي
ريحه تقرف
جتكوا القرف
ريحه شراب منتنههههههههههههههههههه
و الواد جاله زهول و كشر
و انا كل ما اسمع كلمه منها هات يا ضحك
و هي تقول جتكوا القرف و هو لف ينظر لها باستغراب و هي وكانها بتوجه الكلام ليه
اصاببني زهول و جالي ضحك
هههههههههههه
و اتقلب نظرات الاعجاب لنظرات قرف
ههههههههههههه
الواد بقي مش طايقني
هههههههه
و حسيت انه كان هاين عليه يرميني من الشباك
اصل فعلا ريحه البرفان بتاعه كان قالب الدنيا بس للامانه مكنتش حلوة كانت صارخه زياده عن اللزوم
ولا يمكن انا و الست اعتدنا علي ريحه جنينه الحيوانات
فيمكن البرفان ميكلش معانا

زائر

اهلا بيك
واهلا بمواضيعك
يا اجمل اخت فى الدنيا
نورتينا

مشكور اختى العظيمه مهندسه القلوب
النجمه الساطعه
عاشقه الجنه
حضورك كما عهدته وحرفك كما عرفته
منير دائما

ميرسى على التوبيك
الجميل
تقبلى مرورى

نيس توبيك يا دعاء تسلم ايديكي

أختي عاشقة الجنة
جميل موضوعيك
والأجمل أنتي
أتمنا لكي المزيد من التقدم والأزدهار
دمت بود
********
قيصر المشاعر

موضوع جميييل
تقبلي تحياتي

اللة عليكي بجد موضوع متميز جداجدا تقبلي مروري فهد