استفتــــــــــــــــــــــــاء

دة استفتاء
عن اكتر 5 افلام بتحب تشوفهم
وممكن تتفرج عليهم كل يوم
5 افلام عربي
و5 اجنبي

انا عن نفسي اول واحدة هاشارك
انتو كمان شاركو معانا يا جماعة
عايزة اعرف اكتر الافلام اللي بتحبوها

1 - الناصر صلاح الدين
2- انت عمري
3- اسكندرية نيو يورك
4- الزوجة الثانية
5- عن العشق والهوي

والاجنبي
1- the rock
2- saw
3- brave heart
4-italian job
5- the mask of zoro

اجمد مسلسل اجنبي طبعاااااااااا
prison break

زائر

شوفى

انا احب كل افلام اسماعيل ياسين
والناصر صلاح الدين
والرسالة
والموظفون فى الارض
اما الافلام الاجنبى
كل افلام جان بول بلموندو
والان ديلون
بس
لكن اسامى افلام ماافتكرش

الافلام الخمسه
الارض
جعلونى مجرما
الزوجه الثانيه
المرأه المجهوله
كان يوم حبك

sayedmadkoor كتب:: الافلام الخمسه
الارض
جعلونى مجرما
الزوجه الثانيه
المرأه المجهوله
كان يوم حبك

طب والاجنبي يا ابو السيد ولا مالكش فيه؟
علي فكرة
انا بحب كان يوم حبك
مشهد النهايه بالذات جااااااامد جدااااااااا

زائر

ممكن اعرف
اية كان يوم حبك دة؟؟
سؤال غبى صح
ههههههههههههه
كان يوم حبك
ده فيلم لخالد سليم وداليا البحيرى
ومشهد النهايه اللى بتقول عليه مروه ده
مختصر حياتى انا بتصور كده
فيلم يتناول حياتى بكل صدق
لو اتفرجتى عليه هتشوفى سيد مدكور
وخصوصا الاغنيه الرئيسيه للفيلم
ممكن تكون مروه عرفاها
شكرا لكم اخواتى

الفيلم دة انا بحبه قوي
مع ان طريقة اخراجه مش عجباني قوي
بس مشهد النهاية بجد المخرج ابدع فيه
وجات وراه علي طول اغنية بدري الوداع
الاغنية دي بجد تحفة
دي احلي اغنية سمعتها في حياتي
انا ممكن اكتب كلام منها

ياللي فارقت الدنيا كان بدري الوداع
وطلعت فوق بعيد عن الزيف والخداع
واحشني يا طيب يا ارق من الملاك
فاكرك وفاكر قد ايه اتهنيت معاك
وكنت اتمني يكون عمري فداك
دلوقتي بحلم بس اعيش لحظة معاك
ياللي مشيت من غير ما حتي نقول سلام
هافضل علي عهدك كاني معاك تمام
مين اللي قال البعد بينسي الحبايب
تعالي شوف شوقي وشوف قلبي اللي دايب
مين بعد منك هايداويلي في يوم جروحي
مين في حضنة الحنين هانسي روحي
مع السلامة يا حبيب قلبي وسلام
ياريت تجيني كل ليلة في المنام
وكنت اتمني اعيش عمري معاك
دلوقتي بحلم بس اعيش لحظة معاك

الاغنية تحفة بصوت خالد سليم
وعشان بس تعيشو في مود الغنية للي متفرجش علي الفيلم
ان الاغنية دي لواحد مات
قد ايه الكلام معبر وجميل جدا
ممكن استغل الفرصة دي واطلب حاجة؟
يا جماعة اللي عنده الاغنية دي يا ريت ينزلها لي اصلي هاموت واجيبها بس مش لاقياها في اي مكان
ارجوكو يا جماعة
شكرااااااااااا

انت عارفه
انت كده جبتى مشرط ومريتى على جرح
كبييييييييييييييير
انت وضعتى بكلمات الاغنيه الملح على الجراح
مشكور لاهتمامك ولو اتفرجتى على الفليم تانى افتكرينى بعلى الشاعر وهو بيموت على الكرسى يوم نجاحه
وبما انك لم ترى سيد قبل ذلك فشوفى الفيلم وانت تعرفى سيد بكل حقيقته

زائر

سيد المظلوم
سيد المقهور
اللى مش بيحفظ نكت
اية النكد اللى انتوا عايشين فيه دة
اررررررررررحمونى

زائر

على فكرة
انا شفت الفلم امبارح
عشان اعرف
خالد سليم دمه زى السم
وداليا البحيرى
دمها تقيل جدا
بصراحة فلم ميتشفش
اية اللى عجبكم فية؟؟؟
دورت مالقيتش فية حاجة عدلة

أنا عن نفسى ياجماعة بحب أفــــلام

الناصر صلاح الدين

فجر الاسلام

الشموع السوداء

حبيبى دائما

عن العشق والهوى

[quote="منى مدكور"]على فكرة
انا شفت الفلم امبارح
عشان اعرف
خالد سليم دمه زى السم
وداليا البحيرى
دمها تقيل جدا
بصراحة فلم ميتشفش
اية اللى عجبكم فية؟؟؟
دورت مالقيتش فية حاجة عدلة
منى
الفيلم بجد جميل جدا بس انت شوفيه بزاويه جميله
ان الحب والامل الضائع
لشاعر مكتوب له
الحزن والالم والعمر

منى
شوفى الفيلم مره تانيه وتالته
وشوفى على الشاعر وقولى ده سيد مكور وصدقينى لو شوفتى داليا البحيرى فى الفيلم كانك شوفتى قطر الندى بجد

زائر

الغالى سيد
لو عايز تشوف فلم رومانسى بجد
شوف فلم صقة مدينتين لتشارلز دكنز
اتفرج عليه
مش تقولى داليا البحيرى

يامني يا حبيبتي
محدش قال ان داليا البحيري ملكة الرومانسية
ولا خالد سليم امير الحب
احنا بنتكلم علي الحالة نفسها
حالة التوهان اللي عايشها البطل طول الفيلم
عاش يدور طول حياته علي حد معين بمواصفات معينة
واول ما شافها حبها من غير ميفكر هية مين؟
ولا بتشتغل ايه؟
وبعد ما عاش يوم واحد في الجنة اللي عاش يحلم بيها
صحي علي غدر صاحبه وضياع حبيبته منه
شوفي ازاي فضل بعديها تايه طول الفيلم
لغاية ما يرجعو تاني لبعض
بس ساعتها بيكتشف بان قلبه من كتر الاوجاع اللي شافها في حياته مبقاش قادر حتي ينبض
ويوم ما يحقق حلمه
ويلا قي حبيبته
وينجح في تقديم الروايه اللي عاش يتمني انه يقدمها
ويوم الافتتاح بيموت علي الشاعر علي الكرسي
الابداع في المشهد دة
انه مات من غير محد يحس بيه زي ما عاش ومجدش حاسس بيه
يا بنتي
اتفرجي علي الفيلم وانتي مش حاطة في دماغك المقارنة بينه وبين الافلام الاجنبية
ومن غير تحيز
عارفة لو حسيتي حتي مشهد النهاية
اقسملك
لازم تبكي بالدموع
كفاية بقي احسن انا قربت اعيط

ايه يا جماعة محدش عايز يشارك في الاستفتاء ليه؟
وحش؟

زائر

اصلهم مش بيتفرجوا على افلام
كفاية الافلام اللى هما عايشين فيها
هههههههههههههههههههههههههه

والله عندك حق يا مني
دة حتي الافلام اللي عايشينها اكتر مصداقية وواقعية
بس دة مايمنعش انهم يشاركو معانا برضه

زائر

انا عندى فكرة
هكتب اسم فيلم
وكل واحد يقول رايه فى الفلم دة

فيلم" اغنية على الممر"

منتظرين الردود
منى ومروة

ايه فيلم اغنية علي الممر دة؟

زائر

العلم نورننننن

فلم اغنية على الممر

أبكى

أنزف

أموت

وتعيشى يا ضحكة مصـــــــــر

ما اروعها من كلمات

:
http://odeo.com/audio/17369793/view

رابط لتحميل الاغنية
الفيلم بطولة

محمود مرسي

صلاح قابيل

محمود ياسين

مجموعة من الجنود المصريين , صامدين امام العدو الاسرائيلى لاخر لحظة
لاخر قطرة دم

سلاما على شهداء مصر

يعتبر هذا الفيلم من افضل السينما المصرية

ان لم يكن افضلها على الاطلاق
منى

زائر

انتوا كلكم مضهدنى
محدش رد لية؟؟

خلاص نغير الفيلم

اية رايكم فى:

شئ من الخوف

اظن دة بقى الكل يعرفه
ولا اية يا مروة

شيء من الخوف
فيلم حلو قوي
شادية بتعجبني فيه قوي قوي
مثلت حالة الذل والمهانة حلو قوي

زائر

الفيلم دة خطير جدا
مش مجرد حكاية فلاحين
لالا

دة فيه اسقاط شديد جدا

فيلم مدهش
والاستاذ محمود مرسى ادى الشخصية ببراعة وتمكن
اما العظيمة شادية فمفيش كلمة نقدر نوصف بيها براعتها

فين بقى بقية الناس

ردوا

فى الآول وفى الآخر

دى أراااء

واختلاف وجهات النظر لا يفسد للود قضية يا احلى اعضاء أديب

انا عجبتنى قصة فيلم

عن العشق والهوى

الريس عمر حرب

اسف على الازعاج

كده رضا

وأجنبى
The Terminators بكل اجزاءة

pan's Labyrinth دراما مرعبة

brave heart

mission impossible

الشكر لكاتب الموضوع

دامت روح التعاون،،