قصة جميلة جدا

قصة جميلة حدثت في برنامج البيت بيتك على التلفزيون المصري

فى حلقة الاعلامي محمود سعد أعلن عن حاله مَرضية لشخص محتاج عملية زرع نخاع عاجلة جدا ومحتاج لعمل العملية فى الخارج وتحتاج 150 الف يورو اي مايعادل حوالي مليون جنيه مصري والحالة عاجلة جدا

واستطاع الاعلامي القدير محمود سعد جمع التبرعات عن طريق التليفونات حتى حصل اثناء الحلقة وفي اقل من ساعة على حوالي 850 الف جنيه مصري

وهذا شئ عادي يحصل في حلقات محمود سعد لكن الأجمل جاي بعد شوية:
اتصل شاب اسمه شريف بالبرنامج على الهوا واتبرع ب15 جنيه مصري اي مايعادل اثنين دولار امريكي
برّر هذا الشاب ان هذا المبلغ الزهيد والقليل القيمة بالنسبة لنا.. هو مبلغ عظيم جداجداً لانسان محتاج.. كما قال علي بن ابي طالب رضى الله عنه وارضاه: لا تستحي من اعطاء القليل فالحرمان أقل منه
برّر ان تبرعه ضئيل بسبب ان هذا المبلغ هو نصف مايملكه بالضبط من حطام الدنيا

هذه الحلقة كانت فى اوائل شهر فبراير يعني لسه قدامهم وقت على اخر الشهر

بعد ذلك وأثناء الحلقة نفسها حدث الاتي
اتصل احد الأشحاص المتبرعين واتبرع بمبلغ محترم جدا للحالة المرضية وقال: انني سوف اتبرع ايضاً بمبلغ الف جنيه للشخص اللي اتبرع بـ15 جنيه
وبعدها اتصل واحد تاني اتبرع للشخص المريض واتبرع ايضا للشخص اللي اتبرع بـ15 جنيه بمبلغ خمسمائة جنيه
سبحان الله.. مانقص مال من صدقة

لان شريف اتبرع بنصف مايملك.. ربنا فى نفس الوقت عوّض عليه بمبلغ الف وخمسمائة جنيه
وبالفعل استضاف محمود سعد شريف (المتبرع ب15 جنية) وعرف منه انه مصور تلفزيوني ولم يجد عمل، فقام وزير الاعلام بتعينه فورا فى مبني التلفزيون المصري

وقال شريف انه اضطر ان يقول ان الـ15 جنيه نصف مايملك لانه كان مستحي من

المبلغ القليل للتبرع.. وأنه سمع اثناء البرنامج عن احتياج شخص لزرع نخاع بالخارج وقام وسأل والدته المريضة بالقلب بسبب حزنها على وفاة اثنان من اخوانها وسألها: احنا معانا كام؟
ردت والدته وقالت: اقل من ثلاثين جنيه ولسه مدفعناش فاتورة الكهرباء
فسألها شريف: تمانعي اني اتبرع بنصف المبلغ اللي موجود فى البيت لشخص مريض محتاج؟
رد والدته وقالت: وماله يابني اتبرع له، ماهو ميحسش بالمريض الا المريض اللي زيّه، فاتصل شريف وتبرع بالـ15 جنيه.. وربنا عوّض عليه بـ1500 جنيه بالاضافة الى وظيفة مصوّر بالتلفزيون المصري وخصوصا فى برنامج البيت بيتك اللي كان يبحلم بيها من زمان

سبحان الله مانقص مال من صدقة
وصدقة الفقير افضل مليون مرة من صدقة الغني
= قال تعالى ' لن تنالوا البر حتى تنفقوا مما تحبون وما تنفقوا من شيء فإن الله به عليم' صدق الله العلي العظيم

قيصر المشاعر

زائر

شكرا لك
قصة جميلة
وننتظر مذيدك المبهر
اختك منى

اختي منى
مرورك عطر الموضوع
لك الود والتقدير

قيصر المشاعر

اشكرك شكرا جزيلا علي الموضوع الرائع دة
انا شفت الحلقة
واتاثرت جدا
بس انت مش معايا ان السبب الحقيقي ورا تصرف الشاب دة بالشكل دة
هوة امه؟
تعالي نفرض سوا نفس السيناريو مع تعديل بسيط
الشاب دخل لوالدته المريضة الحزينة علي فراق ولديها
وسالها ممكن اتبرع بنص المبلغ اللي هوة اصلا مش تلاتين جنيه؟
ساعتها راحت امه بصاله
وصرخت في وشه
انت اتجننت؟
هوة فيه حد محتاج في الدنيا دي قدنا؟
انا كنت فاكراك جاي تقوللي انا نازل اجيبلك دوا ولا عشا ولا اي حاجة مفيدة
تقوللي نتبرع
دة احنا عايزين اللي يتبرعلنا

تفتكر كان اول حاجة هايعملها ايه؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اعتقد انه كان هايسمع كلامها
حتي لو مش مقتنع
دة كان حتي قام قفل التليفيزيون عشان يوفر فاتورة الكهربا اللي متدفعتش

ايه رايك؟
كان عندي حق لما قولت ان
امه وتربيته الصالحة هية السبب؟

ياريت كل الشباب يعرفو ويتعلمو
وقبليهم كل الاهالي
يتعلمو يربو اولادهم ازاي؟

اشكرك يا قيصر علي كل مواضيعك المتميزة
شديدة الواقعية
اللي بنستفيد منها جداااااااااااااا

شكراااااااااااااا

أشكر ملاحظتك أختي منا
وفعلا التربية الصالحة نعمل كثييييير
أكرر الشكر
دمت بود

قصة جميلة اوووووووووى وموثرة جدااااااا

وربنا عوض على شريف

وفعلا يا جماعة ميحش بالمرض الا المريض مثله

الله ما اشفى كل المومنين

تقبل مرورى

أخي نيستا العرب0000000
شكرا على مرورك0000000
لك كل الود
//قيصر المشاعر//