حكي شوارع...بقلم:عصام عقرباوي
كبر الخط - صغر الخط - الإفتراضي
شو رايك نسولف في السياسيه؟.. يا رجل احنا شو دخلنا.. انسى الموضوع, بس احنا عايشين فيه.. كولتلك انسى.. شوف هلحلوه الجايه احسن من كل السياسيه.
استلمت راتبك؟.. اه استلمته.. طيب وشو ناوي تسوي.. بايش.. بالراتب يا رجل.. هههه ما راح.. وين.. اخدته الحكومه.
شو بتسوي؟.. شوفت عينك على الكمبيتور.. وين داخل؟.. يعني وين بدك ادخلمنته شايف, بتفرج على هلحلوات.
مالك يا حجه زعلانه؟.. حل عني يمه خليني في حالي.. بس احكيلي ليش زعلانه؟.. يا بنيي مر من كدام عيني ابن ابني ما عرفني؟؟؟؟؟.
صباح الخير ابواحمد.. هلاهلا.. اسمعت شو صار في غزه؟... شو صار يا بنيي... يا عمي بوكلك اليوم مات اكثر من عشره... طيب وانا شو دخلني.
صباح الخير شباب .. شو بتسوو.. شفت عينك بنشرب.. عرفتوا شو صار في محادثات السلام... هههههههه شو بتكوول... يا شباب القضيه قضيتنا.. يا حبيبي طير هاي قضيتنا الكاس.
عارف مين هاض؟.. لا والله مين.. يا زلمه هاضه الشاعر الفلاني... اه مجنون يعني؟؟؟.
سوسو كيفك... تركيني بحالي يويو.. اوللي ليش هيك منخضه.. كنت عند حماتي ارفتني عيشتي.. ياي عاديه
اعرفت .. شو فيه.. زبطلك وحده على النت.. بس يا رجل والله عيب.. شو اسوي لا شغله ولا عمله.
اليوم فيه عرس عند دار ابو فلان... طيب .. روح تا نروح... ليش بكلك المناسف خبطرش.
تتبرع .. شو اتبرع.. بدمك بشويه فلوس... لمين لاهل غزه... ليش مالهم.. انت شو مش عايش في هلدنيا.. لا والله ماني عايش.. لوني عايش بتلاقيني نايم على الرصيف.
شفت الاخبار اليوم... لا والله ليش شو فيه... بكولك بنو جدار عالي في الضفه.. طيب حلو.. هيك الاسرائليين ما بعرفويطخو على الفلسطينيين.
شو مال بنطلونك مزع وخزوق.. ههههه.. هادا موضه يا متخلف.
والله ما نمت مبارح.. ليش يا زلمه؟؟.. كل ما بنام بحلم اني غني.. طيب نيالك.. يا زلمه المشكله مرتي كل ما بتعرف بتفكر الحلم جد وبصير بدها مصاري.
دريت شو فيه؟.. شو فيه.. بنت ابو فلان اجوزت.. طيب وين المشكله.. يا زلمه انت نايم.. طيب احكي.. هي مش بتحب فلان.
موضوع: حكي شوارع موضه اخر زمن ..... 
الثلاثاء 29 أبريل - 3:48:45
